Հաղորդումներ 
Դիրիժորներ, կատարողներ, երգիչներ, դերասաններ, ռեժիսորներ…Նրանք մեր օրերը իմաստավորում են համերգային ու թատերական ամենատարբեր երեկոներով: Ամեն օր՝ առավոտյան ժամերին, նրանք աշխատանքային փորձեր են կատարում: Եթե հասցնում են, երեքշաբթի և ուրբաթ օրերին շտապում են մեզ մոտ՝ «Վեմ» ռադիոկայան՝ խոսելու առաջիկա համերգի, ներկայացման մասին: Այդպիսի ուղիղ եթերային զրույցը դառնում է իսկական «անակնկալ հանդիպում»:
Մարտի 27-ին Կոմիտասի անվան կամերային երաժշտության տանը Հայ հոգևոր երաժշտության կենտրոնը հրավիրում է Դանիել Երաժշտի հեղինակային երեկոյին: Մասնակցում են մեներգչուհի Արմինե Խաչատրյանը և դաշնակահար Էլեն Կիրակոսյանը: Կհնչեն հոգևոր, ժողովրդական երգերի մշակումներ, հեղինակային երգեր: «Համերգի գաղափարաբանության հիմքում երկու կաթողիկոսների բանաստեղծությունների հիման վրա երգերն են»,- նշում է մեր հյուրը՝ Դանիել Երաժիշտը:
