Հաղորդումներ 
Դիրիժորներ, կատարողներ, երգիչներ, դերասաններ, ռեժիսորներ…Նրանք մեր օրերը իմաստավորում են համերգային ու թատերական ամենատարբեր երեկոներով: Ամեն օր՝ առավոտյան ժամերին, նրանք աշխատանքային փորձեր են կատարում: Եթե հասցնում են, երեքշաբթի և ուրբաթ օրերին շտապում են մեզ մոտ՝ «Վեմ» ռադիոկայան՝ խոսելու առաջիկա համերգի, ներկայացման մասին: Այդպիսի ուղիղ եթերային զրույցը դառնում է իսկական «անակնկալ հանդիպում»:
Մարտի 9-ին Հայաստանի ազգային ֆիլհարմոնիկ նվագախումբը հրավիրում է սիմֆոնիկ երաժշտության երեկոյի: Համերգի դիրիժորն է Ռուբեն Ասատրյանը: Անակնկալ հանդիպման հյուրը այդ երեկոյի մենակատար, երիտասարդ ջութակահար Սոֆյա Վարդանյանն է: Համերգին նա նվագելու է այն ստեղծագործությունը, որի առաջին կատարողը մոտ 60 տարի առաջ եղել է Սոֆիայի պապիկը՝ անվանի ջութակահար Հակոբ Վարդանյանը:
