Հաղորդումներ 
Հաղորդաշարը թեմաների լայն շրջանակ ունի: Այն քննարկում է աշխարհի քրիստոնեական ընկալման խնդիրներ, հոգևոր կյանքի օրենքները, արարման խորհուրդներն ու օրինաչափությունները, քրիստոնեական եկեղեցու ծիսակատարություններն ու ուղերձները, պատմական զարգացման ու մարդկային մտքի քրիստոնեական ըմբռնումը: Հաղորդման մասնակիցները ձգտում են պատասխաններ գտնել այսպես կոչված «հավերժական» հարցերին, որոնք առաջադրել են մարդկության մեծագույն մտածողները: Միաժամանակ փորձում են հասկանալ նրանց, ովքեր չեն տեսել քրիստոնեության լույսը կյանքի իմաստի իրենց որոնումներում:
- Հյուր՝ Սեդրակ Հովհաննիսյան
Նա եկեղեցուց եկեղեցի է շրջում: Ինչն է նրա ոտք ու ձեռքը կապել, որ Աստծո տնից հեռանալ չի կարողանում: Ինչպես եղավ, որ, լինելով խոր աթեիստ, դարձավ քրիստոնյա: Այսօր, որպես հավատացյալ մեկը, տեսնո՞ւմ է տարբերություն իր և իր միջև: Ինչը նրան տարավ մանկատուն, այն էլ մտավոր հետամնացություն ունեցող երեխաների մանկատուն, և ինչու այդ աշխատանքը ճակատագրական եղավ նրա կյանքում: Ինչպես է պատկերացնում հոգևոր Հայաստանը: «Մարդը պիտի փոխվի»,-ասում է, իսկ գիտի՞ փոխվելու ձևերը: Ինչու է նա սկսել առավել լռել, քան խոսել: Հարցերի պատասխանները՝ ֆիզիկոս, «Գոյ» բարեգործական հիմնադրամի հիմնադիր-նախագահ Սեդրակ Հովհաննիսյանի դիմանկարում:
