«Վէմ» ռադիոկայանը ստանձնել է հայ մարդու հոգևոր պաշտպանության, ազգային արժեքների պահպանման, բարձրարժեք մշակույթի քարոզչության կենսական սպասավորությունը հայկական եթերում: «Վէմն» այն ճանապարհն է, որը հնարավորություն է տալիս զարգացնելու և հղկելու հոգևոր լուսավորության և ազգային ինքնության ձգտումները: Մեր համոզմամբ` առանց անհատի ներքին վերափոխման հնարավոր չէ հաղթանակի հասնել ազգային ինքնագիտակցության մակարդակում: 

Մեր փիլիսոփայությունը հիմնված է այն նախադրույթի վրա, որ անհատի հետ անհրաժեշտ է հաղորդակցվել մարդու ներքին կյանքի համար համատեղելի միջոցներով: Մենք ունենք տեղեկույթի հաղորդման ուրույն փիլիսոփայություն. մարդուն նախ և առաջ պետք է փոխանցել այն, ինչը համահունչ է նրա ներքին գոյաբանական որոնումներին, ինչը նրա համար կդառնա ներքին խաղաղության և արտաքին աշխարհի հետ ներդաշնակության աղբյուր: 

Ներքին ու արտաքին կյանքի նման ներդաշնակության հասնելու համար ձգտում ենք հաղորդակցվել մարդու հոգուն հարազատ լեզվով ու միջոցներով: Մենք փորձում ենք գտնել նոր մոտեցումներ, մշակել նոր միջոցներ ու մեթոդներ, որոնք միտված են բարոյականության, նվիրումի, հայրենասիրության ու ավանդականության հավերժական արժեքների ամրակայմանը:

«Վէմն» առանձնանում է իր հաղորդումների բովանդակությամբ: Ռադիոկայանը դասական ու հոգևոր երաժշտության միջոցով նպաստում է հանրության ճաշակի բարձրացմանը և մարդու հոգու վեհացմանը: «Վէմի»՝ բարոյականության, հայրենասիրության, այլասիրության ու նվիրումի մնայուն սկզբունքների հիման վրա ստեղծված հաղորդումներն ու զրույցները հարստացնում են մարդու ներաշխարհը, լուսավորում նրա ճանապարհը: Ռադիոկայանը, երաժշտության ու գաղափարների յուրատեսակ զուգակցմամբ, որոշակի հոգևոր լիցք է հաղորդում իր բազմաշերտ լսարանին: 

«Վէմ» ռադիոկայանի ծրագրային հայեցակարգի հիմքում համամարդկային հիմնարար արժեքներն են, հոգևորի խոր ընկալումը, դասական երաժշտությունը, մշակութային շեշտադրումը և բարձր չափորոշիչներ: Ռադիոկայանի հաղորդումները մշտապես փոփոխվում ու թարմացվում են ունկնդիրների պահանջներին համահունչ: 

«Վէմը» ողջունում է լրագրողական հանրության նոր առաջարկներն ու մտահղացումները: 

Մարդիկ «Վէմի» ամենաարժեքավոր կապիտալն են: Հիմնվելով իր աշխատակիցների մասնագիտական հմտությունների ու կարողությունների վրա` «Վէմը» ձգտում է բարձրակարգ ծառայություններ առաջարկել իր ունկնդիրներին:

«Վէմի» հաջողությունը պայմանավորված է նրա աշխատակազմի ջանքերով:

Միայն բարձր պրոֆեսիոնալիզմի ու նվիրումի մեկտեղմամբ կարելի է իրականացնել «Վէմի» նախաձեռնությունները:  

«Վէմը» շուրջօրյա ռադիոկայան է։ Հաղորդումները Երևանում և հարակից բնակավայրերում հեռարձակվում են FM 91,1 հաճախականությամբ, վերահեռարձակվում Արցախում ու Վանաձորում` տեղի գործընկերների միջոցով, և տարածվում նաև համացանցի օգնությամբ՝ առցանց:

Ռադիոկայանի աշխատանքին կարող եք հետևել նաև մեր ֆեյսբուքյան էջի միջոցով ( www.facebook.com/VemRadio )։