Հայ
LIVE
Ե
Ե
Չ
Հ
Ու
Շ
Կ
18:00 - «Գանձասար» ռադիոհանդես (ռուսերեն), 20:02 - «Գանձասար» ռադիոհանդես (հայերեն), 22:00 - Հայկական վանքեր և սրբատեղիներ, 24:00 - Ջազ, 18:00 - «Գանձասար» ռադիոհանդես (ռուսերեն), 20:02 - «Գանձասար» ռադիոհանդես (հայերեն), 24:00 - Ջազ, 18:00 - «Գանձասար» ռադիոհանդես (ռուսերեն), 20:02 - «Գանձասար» ռադիոհանդես (հայերեն), 24:00 - Ջազ,
Հաղորդումներ
Երկուշաբթի 08:02, 20:02
Երեքշաբթի 08:02, 20:02
Չորեքշաբթի 08:02, 20:02
Հինգշաբթի 08:02, 20:02
Ուրբաթ 08:02, 20:02
Շաբաթ 08:02, 20:02
Կիրակի 08:02, 20:02
«Գանձասար» ռադիոհանդես (հայերեն)
Երկուշաբթի 14:02, 18:00
Երեքշաբթի 14:02, 18:00
Չորեքշաբթի 14:02, 18:00
Հինգշաբթի 14:02, 18:00
Ուրբաթ 14:02, 18:00
Շաբաթ 14:02, 18:00
Կիրակի 14:02, 18:00
«Գանձասար» ռադիոհանդես (ռուսերեն)
Աղոթքներ
Ամանոր
Չորեքշաբթի 10:00, 23:00
Շաբաթ 13:00
Գրական ընտրանի
Երաժշտական ընտրանի
Ուրբաթ 10:00
Երաժշտական թատրոնի գոհարներ
Զավեշտապատումներ մեծերի կյանքից
Երեքշաբթի 10:00
Շաբաթ 12:00
Համաշխարհային դասական երաժշտություն
Հինգշաբթի 10:00, 22:00
Հայկական վանքեր և սրբատեղիներ
Հարցեր քահանային
Չորեքշաբթի 12:02, 22:00
Շաբաթ 10:00
Հոգևոր զրույցներ
Երկուշաբթի 12:02, 22:00
Կիրակի 10:00
Հոգևոր զրույցներ համատես Ավետարանների շուրջ
Երեքշաբթի 12:00, 23:00
Կիրակի 16:00
Մտորումներ
Երկուշաբթի 09:00, 24:00
Երեքշաբթի 09:00, 24:00
Չորեքշաբթի 09:00, 24:00
Հինգշաբթի 09:00, 24:00
Ուրբաթ 09:00, 24:00
Շաբաթ 09:00, 24:00
Կիրակի 09:00, 24:00
Ջազ
Շաբաթ 16:00
Կիրակի 13:00
Սուրբ Գրքի ներածություն
Մեդիա Հոդվածներ Հարցախաղ Արտադրանք «Վէմ» ակումբ
մեր մասին
Հեղինակ` Օլյա Նուրիջանյան
Հաղորդման ժամանակացույց
Կապ
olya@vem.am
Հայ կոմպոզիտորներ և կատարողներ

Ինչպիսին է հայ երաժշտական աշխարհն այսօր: Ինչպես է հայ երաժշտությունը ներկայացվում աշխարհում: Ինչպիսի հաջողություններ ունեն հայ երաժիշտները աշխարհի բեմահարթակներում: Որքանով ենք մենք հաղորդակից հայ երաժշտական կյանքի զարգացումներին: Ինչպիսին պետք է լինի հայ երաժշտության վաղվա օրը: Հայ երաժշտությունը որպես հայ մշակույթի ներկայացման գլխավոր ուղի: Երաժշտությունը որպես մեր մշակութային քաղաքականության ռազմավարություն: Երաժշտության և կրթության հիմնահարցեր: Ներկայացնում են իրենք` հայ անվանի կոմպոզիտորները և կատարողները: 

Բաժանորդագրվել
18 Հունիս Հայկական կոնտրալտոն Բախի երկրում

Սեդա Ամիր-Կարայանն այսօր գերմանական երաժշտական կյանքի ամենալուրջ համերգների սպասված երգչուհի է: Նա ելույթ է ունենում Բեռլինի ու Քյոլնի ֆիլհարմոնիաներում, Շտուտգարտի, Ռեյնգաուի երաժշտական փառատոններում ու Գերմանիայի հոգևոր ու աշխարհիկ պատմական  համերգասրահներում: Մեր զրույցի առաջին մասում հնչում են հատվածներ Գաբրիել Ֆորեի, Ֆիլիպ Էմանուել Բախի, Ֆրանց Շուբերտի ու Յոհան Սեբաստիան Բախի ստեղծագործություններից:

11 Հունիս Փողային ապոթեոզ

Հայ մշակույթի պատմության մեջ փողային երաժշտության կատարողական ու ստեղծագործական ամենացայտուն ավանդույթը կապված է Ալեքսանդր Հարությունյանի անվան հետ, և նրա կատարած յուրաքանչյուր քայլն ուղղված էր ապագային: Դրա վկայություններից մեկն է 2018 թվականի հունիսի 12-ից 15-ը կայանալիք Ալեքսանդր Հարությունյանի անվան փողային գործիքների 2-րդ միջազգային փառատոնը: Կոմպոզիտորի կյանքի ու ստեղծագործական ժառանգության այս ասպարեզի մասին ենք զրուցում նրա դստեր՝ դաշնակահար Նարինե Հարությունյանի հետ:

 

04 Հունիս Մասիսի ձայնը

Ծանոթանում ենք բեռլինաբնակ տենոր, ստեղծագործող Մասիս Առաքելյանի հետ: Երևանյան նրա մենահամերգը Կոմիտասի թանգարան-ինստիտուտում է հունիսի 10-ին՝ ժամը 19-ին: Երևանի 2800-ամյակին նվիրված երեկոյի մուտքն ազատ է լինելու: Ծրագրում Կոմիտասի 9 երգն է, Ռոբերտ Շումանի «Պոետի սերը» շարքն ու երգչի սեփական ստեղծագործությունները: Չզարմանաք, որ հանկարծ լսեք այդ երեք հեղինակների երգերը՝ փոխեփոխ հաջորդականությամբ. դա երգչի մտահղացումն է:

 

28 Մայիս Տաճար դարձած երգչախումբ

«Հայաստանի փոքրիկ երգիչներ»-ը՝ մեր քայլող դեսպանները, 2018-ի գարնանը փառատոնային ու համերգային ելույթներ ունեցան Գերմանիայում, Չեխիայում, Վրաստանում: Նոր ու հիացած ունկնդիրը բացականչում էր. «Եթե սա հայ երեխաներ են, ապա ինչպիսի՜ ծնողներ ու երկիր նրանք կունենան»,- նշում է մեր հյուրը՝ երգչախմբի գլխավոր խմբավար Տիգրան Հեքեքյանը, ու մեզ հետ կիսում մարդկային հարաբերությունների հրավառության այդ օրերի տպավորութունները:

 

21 Մայիս Հասկաքաղ. Միհրան Թումաճան (1890-1973)

Այսպես է կոչվում Կոմիտասի թանգարան-ինստիտուտի 2018 թվականի ժամանակավոր ցուցադրությունը: Մինչև դեկտեմբեր յուրաքանչյուր այցելու կլուսավորվի Կոմիտասի հինգ սաներից մեկի` Միհրան Թումաճանի՝ հայ մշակույթի ազնվափայլ ու բարեխիղճ մշակի, գերագույն ուժի տեր մարդու անձով ու գործով: Մեր հյուրերն են ցուցադրության համադրող Նայիրի Խաչատուրյանը և գիտական խորհրդատու, ցուցանմուշների պատկերագրքի ու գիտական հոդվածների պատասխանատու խմբագիր Գայանե Ամիրաղյանը: Զրույցի ընթացքում հնչում է մի քանի կատարում գրքին կից ձայնասկավառակից:

14 Մայիս Ինը քայլ՝ Գլուկից Վագներ

«Կոմիտաս» հրատարակչությունը մի քանի ամիս առաջ լույս էր ընծայել Երևանյան կոնսերվատորիայի դոցենտ, դաշնակահար Նաիրա Խաչատրյանի՝ չորս ձեռքի համար դաշնամուրային մշակումների՝ «Քայլերգեր օպերաներից» խորագրով նոր ժողովածուն: Մեր հյուրը՝ Նաիրա Խաչատրյանը, նշում է, որ հրատարակչի` Ռուզաննա Եսայանի հետ միշտ բուռն քննարկումներ են ունեցել, միասին նվագել են, փորձել են՝ արդյոք հարմա՞ր է: Հաղորդման ընթացքում հնչում են Նաիրա Խաչատրյանի ու Նարինե Ենգիբարյանի կատարումները:

 

07 Մայիս Ձեզ համար եմ նվագում

2018 թվականին Յեհուդի Մենուհինի անվան երիտասարդ ջութակահարների մրցույթում  առաջին մրցանակի է արժանացել Կոմիտասի անվան պետական կոնսերվատորիայի առաջին կուրսի ուսանող, Էդուարդ Թադևոսյանի մասնագիտական դասարանը ներկայացնող Դիանա Ադամյանը: Երիտասարդ երաժշտի վերջին տարիների մրցութային ու համերգային ելույթների բազմաթիվ հաջողություններից հետո այս մեկն ամենահեղինակավորն է: Զրույցի ընթացքում հնչում են Ժնևում կայացած մրցույթի տարբեր փուլերի կատարումներից, այդ թվում՝ հատվածներ Բրուխի կոնցերտից, Բեթհովենի թիվ 4 լարային կվարտետից, Կլարտագի (Klartag)՝ հատուկ մրցույթի համար գրված ստեղծագործությունից և Կրեյսլերի «Վիեննական մանրանվագը»:

30 Ապրիլ Քանոնի ազնվական երանգը

Անժելա Աթաբեկյանը 20-րդ դարի երկրորդ կեսի հայկական քանոնի կատարողական և մանկավարժական արվեստում ստեղծված հզոր շարժման դասականն է: Նրանից սկսվում է հայկական քանոնի ամենազորեղ ու քնարական ուղին: «Կյանքն առանց քանոնի չեմ պատկերացնում»,- խոստովանում է մեր հյուրը` 2018 թվականի հոբելյարը:

23 Ապրիլ Կանայք և Իսպանիան

Դաշնակահար Սոֆյա Մելիքյանի կատարմամբ ծանոթ ու նոր ստեղծագործությունները ստանում են իմաստուն ու հասկանալի մեկնաբանում: 2018-ին նա թողարկել է «Women» և «Spanish Piano Music» ալբոմները: Այստեղ Գուբայդուլինայի, Գրանադոսի, Չթչյանի երկացանկային օպուսները հնչում են խիստ անհատական ձեռագրով: Դրանց կողքին կատարողական թարմ  ավանդույթ ստեղծող գործերն են:

 

16 Ապրիլ 165 տարի առաջ

«Քրիստափոր Կարա-Մուրզային ժամանակակիցները անվանել են «Շրջուն դպրոց»: Նա  ստեղծում էր շարժում հօգուտ քառաձայն երգեցողության, պատրաստում էր սեր մայրենի լեզվի նկատմամբ, տարածում էր ժողովրդական երգը, ներշնչում էր հարգանք դեպի ժողովրդական երաժշտական ստեղծագործությունը»,- գրել է երաժշտագետ Մաթևոս Մուրադյանը: Թողարկումը հիշեցնում է հայ կոմպոզիտորական դպրոցի ավագ դասականներից մեկի՝ Կարա-Մուրզայի հոբելյանին նվիրված ակնարկը:

09 Ապրիլ Սերնդափոխության սկիզբ

Մարտի 17-23-ը  կայացավ Երևանի Կոմիտասի անվան պետական կոնսերվատորիայի կոնցերտմայստերական պատրաստման ամբիոնի հիմնադիր Հեղինե Տեր-Ղևոնդյանի անվան երիտասարդ կոնցերտմայստերների հանրապետական վեցերորդ մրցույթը: Հայ կոնցերտմայստերական դպրոցի նոր սերունդն այս անգամ ներկայացել էր ծանրակշիռ ներուժով: Դրա մասին են վկայում հաղթողները, որոնցից երկուսը մեր հյուրերն են՝ Մարտին Շահբազյանը (I մրցանակ) և Տիգրան Պետրոսյանը (II մրցանակ): Թողարկման ընթացքում հնչում են մրցութային ելույթները, այդ թվում՝ Սպեդիարյանի, Մուսորգսկու, Մալերի, Վերդիի, Դեբյուսիի, Ռախմանինովի ստեղծագործությունները:

 

02 Ապրիլ Վարպետ մանկավարժի երկհատորյակը

Տարբեր ոճերի, ժամանակների գործերը նվագելիս դուդուկը պետք է ենթարկել տվյալ ստեղծագործության գեղարվեստական կանոններին: Հայ երաժշտական արվեստի վաստակավոր գործիչ դուդուկահար Գեորգի Մինասյանի նոր հրատարակված ձեռնարկի մասին զրուցում ենք նրա սաների՝ Արտակ Ասատրյանի և Գեորգի Մինասյան-կրտսերի հետ: «Ինչքան ուսումնասիրում եմ համաշխարհային երաժշտությունը, այնքան հասկանում եմ Նարեկացու տաղերի տիեզերական արժեքը»,- ասում է Արտակ Ասատրյանը: Թողարկման ընթացքում կհնչեն Կոմիտասի, Ա. Վիվալդիի, Ռ. Ամիրխանյանի, Վ. Ա. Մոցարտի ստեղծագործությունների փոխադրումները, որ հնչել են քրեստոմատիայի շնորհանդեսի ժամանակ:

12 Մարտ Արտաշես Մկրտչյան. ջութակն իբրև կյանքի նպատակ

«Արվեստագետը և մարդու նկարագիրը շատ սերտ կապի մեջ են միմյանց հետ»: Կատարողական ու մանկավարժական հաստատուն ձեռագրով է առանձնանում վառ անհատականությամբ օժտված ջութակահար Արտաշես Մկրտչյանի արվեստը:

 

05 Մարտ Գարնանային դաշնակահարուհին

Դաշնակահար, մանկավարժ ու հասարակական գործիչ Արմինե Գրիգորյանի ամեն օրը ծաղկեցնում է հայ երաժշտական մշակույթի ներկան ու ապագան: Զրույցում արտացոլված է երաժշտի անցյալը՝ իր մանկության հուշերով, առաջին դաշնամուրի պատմությամբ և ուսուցիչներին ուղղված խոստովանությամբ:

 

26 Փետրվար Իմ Տոսկան

2016 թվականին երևանյան օպերային թատրոնը բեմ բարձրացրեց Ջակոմո Պուչինիի «Տոսկայի» նորագույն բեմադրությունն ու ռեժիսորի նոր անուն: «Միայն երաժշտության միջոցով վերլուծել օպերայի դրամատուրգիան, կոմպոզիտորի ասելիքը»,- ընդգծում է երևանյան կոնսերվատորիայի դասախոս և օպերային թատրոնի հրավիրյալ ռեժիսոր Նաիրե Ստեփանյանը: Նրա համար ուսումնառության մուտքը ականավոր Բորիս Պոկրովսկու դասական գրքերն էին, իսկ այսօր գերված է ավանգարդ իտալուհի Էմմա Դանթեի բեմադրական աշխարհայացքով:

 

19 Փետրվար Նոր գույն բերելու ցանկությամբ

Նրա երգեցիկ ունակությունը հայտնաբերել է մորաքույրը՝ անվանի մանկավարժ, ջութակահար Զոյա Պետրոսյանը: Գեղամ Գրիգորյանի դասարանում սովորելը հղկեց նրա բնատուր շնորհը: Սիլվա Կապուտիկյանի տուն-թանգարանում աշխատանքը հնարավորություն տվեց առնչվելու պոեզիայի հետ ու ավելի մտերմանալու կամերային ժանրի հետ: Նրա գրած ռոմանսները հնչում են նրա հեղինակային համերգներին ու հաղթել են միջազգային մրցույթում: Մեր հյուրն օպերային թատրոնի սոպրանո, հեղինակ-կատարող Մայա Աֆրիկյանն է:

12 Փետրվար Անսահման ու անծայրածիր ճանապարհին

«Ես այն բախտավորներից եմ, ով ծնվել է հոգևորականի ընտանիքում»,- ասում է մեր հյուրը՝ Տ. Ղևոնդ քհն. Քիրազյանի որդին: Նրա մեներգը հնչել է նրա համար ամենատպավորիչ ելույթի օրը՝ Հայոց ցեղասպանության նահատակների սրբադասության կարգի ժամանակ: Հայաստանի թատերական, համերգային կյանքի հայտնի անուններից է տենոր Պերճ Քարազյանը:

05 Փետրվար Նոր հաջողություններից հետո

Մեներգչուհի, մանկավարժ Ստեֆանի Քոչարյանը ներկայացնում է իր ստեղծագործական գործունեությունը: Թողարկման ընթացքում հնչում են դրվագներ մեր հյուրի համերգային կատարումներից, այդ թվում՝ Կոմիտասի, Պերգոլեզիի և Բախի ստեղծագործություններից:

29 Հունվար Ռոբերտ Աբաջյանի հիշատակին

2016 թվականի քառօրյա պատերազմում մեր հայրենիքի կենդանի վահան դարձավ 19-ամյա սերժանտ Ռոբերտ Աբաջյանը՝ Արցախի հերոսը, «Ոսկե արծիվ» շքանշանի ամենաերիտասարդ կրողը: Նրա սխրանքն ու նահատակությունը նոր ստեղծագործության առիթ են դարձել: Երգի տեքստի հեղինակն Ակսել Բաղումյանն է, երաժշտության հեղինակը՝ Մարգարիտ Սարգսյանը, երգիչը՝ Հայկ Տիգրանյանը:

22 Հունվար Հայ-բրիտանական կամուրջ

Կոմպոզիտոր Արփինե Կալինինայի ստեղծագործական ու կատարողական նախաձեռնությունները խորքային կարևոր քայլեր են, որոնց արդյունքում գոյանում է տարբեր սերունդների, երաժիշտների ու երկրների երկխոսություն: 2015 և 2017 թվականներին այդպիսի կամուրջի արդյունքում բրիտանական կոմպոզիտորական պատմության մեջ հայ բանաստեղծների տեքստերով ստեղծվել է երկու երաժշտական գործ:

08 Հունվար Մեծերի Նոր տարին

Համաձայն կլինեք, եթե ասեմ, որ տոնական օրերի ամենաջերմ պահերն այն են, երբ սեղանի շուրջ զրուցում ենք տան, գերդաստանի մեծի հետ: Մեր եթերային տոնական սեղանը այդպիսի մի հանդիպում դարձավ: 2018-ի առաջին թողարկմանը Ամանորի ու Սուրբ Ծննդյան ավանդությունների ու հիշողությունների մասին են խոսում Ալեքսանդր Սպենդիարյանի և Արամ Խաչատրյանի տուն-թանգարանների աշխատակիցները, Ղազարոս Սարյանի կրտսեր դուստրը  և հայ ժամանակակից կոմպոզիտորական դպրոցի ավագ սերնդի ներկայացուցիչներից Վլադիլեն Բալյանն ու Գեղունի Չթչյանը:

 

25 Դեկտեմբեր Անմահ դասականի տունը

Հոբելյանական տարում հրատարակվելէ Ալեքսանդր Սպենդիարյանի տուն-թանգարանի առաջին տարեգիրքը: Զրույցի ընթացքում ներկայացվում են 50-ամյա թանգարանի ու 2017-ի պատմության մի քանի հիշարժան դրվագներ: «Շնորհակալ ենք Սպենդիարյանին, որ հնարավորություն է տվել նրա լուսավոր աշխարհի ու միջավայրի մեջ գտնվել»,-խոստովանում է մեզ հյուրընկալած տնօրենը՝ Մարինե Օթարյանը:

18 Դեկտեմբեր Հայկական վիոլայի համար

Artconcept միջազգային ընկերակցությունը ստեղծած և ապրեցնող երիտասարդ երաժիշտներ Արսեն Բաբաջանյանը, Արմեն Մանասյանը, Շուշան Հյուսնունցը պարբերաբար ներկայացնում են կոմպոզիտորական, կատարողական, գիտական նորագույն գաղափարներ: Մյունխենից ու Բեռլինից հետո Երևանում կայացավ արտերկրում սովորող այս երիտասարդների ստեղծած հերթական ծրագիրը, որի ընթացքում  ներկայացվեցին հայ և գերմանացի կոմպոզիտորների՝ հայկական վիոլայի համար գրված ստեղծագործություններ: «Հայկական վիոլա» նախագծի գլխավոր հերոսը կոմպոզիտոր, դիրիժոր, հայկական վիոլայի միակ կատարող Գրիգոր Առաքելյանն է: «Կան գործեր, որտեղ ըմբռնում եմ հեղինակի միտքը, կան գործեր, որոնք խոսում են ինձ հետ»,- նշում է մեր հյուրը:

 

11 Դեկտեմբեր Աշխարհին նայելու նոր հայացքը

2012 թվականից Հայաստանի մշակույթը արտասահմանյան բեմերում ներկայանում է նաև «Նաղաշի» ուժերով, որում հայկական հոգին հանդիպում է աշխարհի ռիթմերին: Այսպիսի համադրությունը լսել ու ապրեցնում է «Նաղաշի» հիմնադիր՝ ամերիկահայ կոմպոզիտոր, դաշնակահար, դիրիժոր Ջոն Հոդյանը: Անսամբլի կազմում են մեներգիչներ Հասմիկ Բաղդասարյանը, Տաթևիկ Մովսեսյանը, Արփինե Տեր-Պետրոսյանը և դուդուկահար Էմանուել Հովհաննիսյանը, ուդահար Արամայիս Նիկողոսյանը, դհոլահար Տիգրան Հովհաննիսյանը:

 

Էջ 1 2 3 4 5 6 7
Հետադարձ կապ
Փավստոս Բուզանդի փող., 1/3, Հայաստան 0010, Երեվան, Հեռ.՝ (+374 10) 54 88 70; (+374 10) 58 52 49