Հաղորդումներ 
Շաբաթ - 10:00
Կյանքի կոչում և նպատակ: Ներանձնական փնտրումներ և հոգևոր ճանապարհի ընտրություն: Դավանական մաքրություն, ուղղափառ գիտակցություն, սեփական ավանդության ճանաչողություն: Ինչ պատասխաններ է տալիս Եկեղեցին մեզ հուզող խնդիրներին: Ինչպիսին է հոգևորի և նյութականի փոխհարաբերությունը մարդու կյանքում: Կարելի՞ է այս կյանքում հասնել կատարելության: Ինչպես իրագործել քրիստոնեական պատվիրանները: Ինչպես վերաբերվել աղանդավորական շարժումներին: Ինչպես զերծ պահենք մեզ և մեր երեխաներին հոգևոր շեղումներից: Այս և այլ կարևոր հարցերի պատասխանները` «Հոգևոր զրույցներ» հաղորդաշարի քննարկումներում:
Եկեղեցու էությունը: «Եկեղեցի» բառի ստուգաբանությունը: Քրիստոսի Եկեղեցու ճշմարիտ անդամ դառնալու փուլերը: Ինչպես զորացնել հոգևոր կարողությունները: Ուղղափառ դավանություն: Եկեղեցու գլխավոր պատգամը քրիստոնյաներին:
Հավատքը որպես Աստծո կողմից շնորհ և մարդկային հոգու կարողություն: Մարդկային կյանքի վերափոխումները հավատքի միջոցով: Ո՞վ կարող է վկայել հավատքի մասին: Հավատքի պահպանական զորությունը: Խոնարհության դերը քրիստոնեական կյանքում:
- Հյուր՝ Տ. Սմբատ քհն. Սարգսյան
Ինչպես ճանաչել Հուդայի համբույրը միջանձնային և միջհասարակական հարաբերություններում: Ինչպես են հասունանում ուրացումը, դավաճանությունը, մատնությունը: Ինչու Քրիստոսին մատնողը պիտի Նրա աշակերտների միջից լիներ: Կարո՞ղ էր Հուդան ներում գտնել, եթե ներում հայցեր:
Ինչ է տեղի ունենում մարդու հետ, երբ նա մեղք է գործում և հարատևում դրա մեջ: Ինչպես ընկան մեղքի մեջ դրախտի բնակիչները՝ Ադամը և Եվան, և ընկնելուց հետո ինչ կատարվեց նրանց հոգու հետ: Ինչու է մեղքը արգելված պտղի պես քաղցր մեղավորի քիմքին: Չապաշխարված մեղքերը մարդուն ո՛ւր կարող են հասցնել: Ինչու է մեղքը դուռ բացում նոր մեղքերի առաջ:
- Արմեն սրկ. Հարեյան
- Տ. Նշան քհն. Ալավերդյան
Խաչի մասին զրույցների շարքի այս հաղորդման ընթացքում ընթերցվում և քննարկվում են սբ Եփրեմ Ասորու «Ներբող աստվածընկալ սուրբ Խաչի» գործի առավել դժվարըմբռնելի հատվածները, որոնք կարիք ունեն լրացուցիչ մեկնաբանման:
- Տ. Նշան քհն. Ալավերդյան
Ինչպիսի ընտրություն է խաչի ընտրությունը, այն ունի՞ իր այլընտրանքը: Խա՞չն է մեզ ընտրում, թե՞ մենք՝ նրան: Խաչի ճանապարհն ինչպիսի՞ ն է: Ինչպե՞ս ճանաչել մեր խաչը:
Ինչ խորհուրդներ են ընկած քառաթև խաչի հիմքում: Ինչու Խաչը նախկինում անվանվում էր դատապարտության գործիք, խայտառակության ու տանջանքի առարկա, իսկ այժմ դարձավ փառքի և պատվի առարկա։ Մեզ՝ քրիստոնյաներիս համար խաչը ինչպիսի խորհուրդների հանրագումար է: Ինչու ենք Խաչին տաղավար տոն նվիրում:
- Տ. Նշան քհն. Ալավերդյան
Որն է Մեծ պահքի խորհուրդը հոգու և մարմնի համար: Ինչպիսի շարժառիթներ կարող են լինել այն պահելու համար, և որ շարժառիթներն են ընդունելի Աստծուն: Ինչու են մեզանից ոմանք Մեծ պահոց շրջանում ընկնում հպարտության մեղքի մեջ, և ինչպես խուսափել դրանից:
- Հյուր՝ Տ. Տաճատ ավ. քհն. Դավիդյան
- Հյուր՝ Տ. Նշան քհն. Ալավերդյան
Շատերը կարծում են, որ Աստված դրախտում, մարդու համար միակ արգելանք դնելով, մարդուն ազատ կամքից զրկել է: Արդյո՞ք դրանից դա է հետևում: Փաստորեն մարդուն ազատություն տրվեց՝ ընտրելու բարին կամ չարը: Բայց կա՞ր սրանց այլընտրանք: Շատերն ասում են՝ ես իմ պատկերացրած ձևով եմ ապրում, ոչ թե ըստ Աստծո կամ չարի: Կա՞ մի երրորդ ճանապարհ, որից ենթադրվում է՝ կան շատ այլ ճանապարհներ և հետևաբար՝ ընտրություններ: Մեծ պահքի կիրակիներից Արտաքսման կիրակիի մեջ ենք: Եթե չլիներ ազատ կամքի գործադրման հնարավորությունը, արդյո՞ք արդար կլիներ արտաքսումը՝ որպես արարքի հետևանք:
- Հյուր՝ Տ. Նշան քհն. Ալավերդյան
Շատերը կարծում են, որ Աստված դրախտում, մարդու համար միակ արգելանք դնելով, մարդուն ազատ կամքից զրկել է: Արդյո՞ք դրանից դա է հետևում: Փաստորեն մարդուն ազատություն տրվեց՝ ընտրելու բարին կամ չարը: Բայց կա՞ր սրանց այլընտրանք: Շատերն ասում են՝ ես իմ պատկերացրած ձևով եմ ապրում, ոչ թե ըստ Աստծո կամ չարի: Կա՞ մի երրորդ ճանապարհ, որից ենթադրվում է՝ կան շատ այլ ճանապարհներ և հետևաբար՝ ընտրություններ: Մեծ պահքի կիրակիներից Արտաքսման կիրակիի մեջ ենք: Եթե չլիներ ազատ կամքի գործադրման հնարավորությունը, արդյո՞ք արդար կլիներ արտաքսումը՝ որպես արարքի հետևանք:
Ինչպես կարող է Աստծո պատկերով և նմանությամբ ստեղծված մարդը չհավատալ Աստծո գոյությանը: Ինչն է նպաստում անհավատության առաջացմանը և տարածմանը: Անհավատության ինչպիսի տեսակներ են հանդիպում կյանքում:
- Տ. Առնակ քհն. Հարությունյան
- Հյուր՝ Տ. Նշան քհն. Ալավերդյան
Մենք տեսնում ենք Սուրբ Հոգու ներկայությունն արարչագործության ժամանակ, երբ Աստված կամեցավ, որ լինի արարչությունը, ասաց, որ լինի, և եղավ: Արդյո՞ք մարդն ինքը, որ Աստծո պատկերով և նմանությամբ ստեղծվեց, ևս եռամասնյա չէ՝ այս իմաստով: Ինչպե՞ս անել, որ մարդը խոսի այն, ինչ կամենում է, և գործի այն, ինչ խոսում է: Եվ ինչպե՞ս հասնել նրան, որ մարդը բարին կամենա, բարին խոսի և բարին գործի:
- Տ. Նշան քհն. Ալավերդյան
Ինչու Տերը թաքցրեց իմաստությունն այս աշխարհի իմաստուններից և հայտնեց այս աշխարհի «հիմարներին» և ինչու այս աշխարհի ոչ տոհմիկներին, արհամարհվածներին եւ ոչինչներին ընտրեց: Ինչու Աստծո առաջ չկան անտեսվածներ, և ինչպես է աշխարհը տեսակավորում մարդկանց ըստ իր չափանիշների: Հաշտվե՞լ այս աշխարհում անտեսված լինելու կարգավիճակի հետ: Ինչպե՞ս:
