Այսօրվա բազմակարծության ֆոնին ի՞նչն է խանգարում ամեն լրատվամիջոցից, ստենդից, ցուցափեղկից, դպրոցական ու ուսանողական դասագրքերի էջերից  Գրքերի Գրքի խոսքի հանրայնացումը, հանրահռչակումը: Կրթական խիզախո՞ւմ կլիներ կրթական բոլոր աստիճաններում Սուրբ Գրքի ներառումը՝ աստվածաբանական, մշակութային և հոգևոր-կրոնական դիտանկյուններից: Ինչո՞ւ է  կրթությունից դուրս մնում Գրքերի Գիրքը: 

• Հյուր՝ Տ. Նշան քհն. Ալավերդյան

Ընտանիքի ինչպիսի մոդելներ են գործում այսօր աշխարհում, և որն է դրանցից յուրաքանչյուրի քրիստոնեական գնահատականը: Ինչու է Եկեղեցին ճանաչում միայն կնոջ և տղամարդու միությունը որպես ամուսնություն, այսինքն՝ օրինական միություն, այն էլ՝ եկեղեցական պսակով: Իր այս արմատականությամբ ինչ է եկեղեցին ամրագրում ամուսնության խորհրդի և նպատակի մեջ: Ինչու սիրող զույգի կապը, եթե ամրագրված չէ փաստաթղթով, չի կարող աստվածահաճո լինել. չէ՞ որ  երկու անձ սիրում են իրար, իսկ Աստված Սեր է: 

• Տ. Նշան քհն. Ալավերդյան

Հաճախ զույգը եկեղեցական պսակադրությանը ներկայանում է պսակի խորհրդին անտեղյակ և անհաղորդ: Դա ո՞ւմ մեղավորությունն է: Ո՞ր դեպքերում քահանան կարող է հրաժարվել կամ հետաձգել կատարել եկեղեցական պսակը: Ի՞նչ հետևանքներով են հղի ինչպես հապշտապ մկրտությունները, այնպես էլ հապշտապ եկեղեցական պսակները:

• Հյուր՝ Տեր Նշան քահանա Ալավերդյան

Քրիստոնեությունը և քրիստոնյաներն իրենց կենսունակությունը դրսևորել են պետական կառավարման բոլոր համակարգերում: Արդյո՞ք պետության ինչպիսին լինելը պիտի կարևոր լինի քրիստոնյայի համար, եթե նա երկնային քաղաքացիության նախանձավորն է: Որքանո՞վ է  հիմնավորված պետական կառավարման քրիստոնեական մոդելն ունենալու և այն կյանքի կոչելու անհրաժեշտությունը:

• Տ. Նշան քհն. Ալավերդյան

• Տ. Սեբեոս քհն. Ղալաչյան

Երբ մարմնավոր բժիշկը բուժում է հիվանդին, լավագույն դեպքում ասում է՝ գնա և մի՛ չարաշահիր այս կամ այն ուտելիքը կամ կենսակերպը: Իսկ Հիսուս բժիշկն ասում էր՝ քո մեղքերը քեզ ներված են, գնա էլ մեղք մի՛ գործիր: Ինչպե՞ս հասկանալ, եթե երկու դեպքում էլ մարմնավոր բժշկություն էր տեղի ունենում: Մարմնի բժշկությունը արդյո՞ք հոգին բժշկելուն չէր միտված Հիսուսի դեպքում , և մարմինը բժշկելով՝ Հիսուսն արդյո՞ք հոգու հիմնահարցը չէր լուծում:

Ինչ խորհուրդներ են ընկած քառաթև խաչի հիմքում: Ինչու Խաչը նախկինում անվանվում էր դատապարտության գործիք, խայտառակության ու տանջանքի առարկա, իսկ այժմ դարձավ փառքի և պատվի առարկա։  Մեզ՝ քրիստոնյաներիս համար խաչը ինչպիսի խորհուրդների հանրագումար է: Ինչու ենք Խաչին տաղավար տոն նվիրում:

• Տ. Նշան քհն. Ալավերդյան

Շատերն են երազում իրենց կյանքը մաքուր էջից սկսել, բայց ո՛չ բոլորն են գտնում անհրաժեշտ ուժ իրենցում դրա համար: Քրիստոնյան, ով գիտի Տիրոջ խոսքը՝ «Գնա և այլևս մի՛ մեղանչիր»,  ինչպե՞ս պիտի վերականգնվի, նորոգվի հերթական անկումից, մեղանչումից հետո: Նոր էջից սկսելը ի՞նչ կարող  է լինել քրիստոնյայի համար:

• Տ. Նշան քհն. Ալավերդյան

Եթե, համաձայն մեր Տիրոջ, այս աշխարհի իշխանը սատանան է և քրիստոնյայի պատերազմը մարմնի և արյան հետ չէ, ապա որն է քրիստոնյայի կռիվը, ում դեմ է և հանուն ինչի: Արդյո՞ք քրիստոնյան բացառապես հոգևոր մարտ պիտի մղի և նրա կռիվն էլ սեփական մեղքերի դեմ պիտի լինի բացառապես: Հոգևոր պատերազմը բացառո՞ւմ է պատերազմի այլընտրանքները: Ո՞վ է քրիստոնյայի ներքին թշնամին:

• Տ. Ասողիկ քհն. Կարապետյան

Հին աշխարհի մարդը առանց կրոնական հավատալիքների չէր կարող ապրել: Ավելին՝ նրա ամբողջ կենսակերպը կրոնական ծեսի բաղկացուցիչ էր: Դրանք, սակայն, տարբեր ժողովուրդների մոտ տարբեր դրսևորումներ էին ունենում՝ ստեղծելով սեփական աստծո կամ աստվածների պատկերը: Միաժամանակ բոլոր կրոններին պատկանողներն էլ համակարծիք են, որ Աստված մեկն է: Ինչո՞վ է պայմանավորված կրոնների՝ մեկից ավելի լինելը:

• Տ. Նշան քհն. Ալավերդյան

Ինչու մարդը չի հաշտվում ոչ իր, ոչ էլ մերձավորի մահվան հետ. արդյո՞ք դա չի նշանակում, որ մահը մարդուն խորթ, օտարամուտ մի բան է և ի բնե անհաշտություն կա մարդու և մահվան միջև: Եվ եթե օտարամուտ բան է մահը, արդյո՞ք այն հաղթահարելի չէ այդպիսով: Ինչպե՞ս հաղթահարել մահվան խնդիրը:

• Վաչագան սարկավագ Դոխոլյան