Երեւանի «Մոսկվա» կինոթատրոնում յաջողութեամբ շարունակւում են «Արարատից Սիոն» վաւերագրական ֆիլմի հայերէն տարբերակի անդրանիկ ցուցադրութիւնները: Ֆիլմն աննախադէպ ջերմ ընդունելութիւն է գտել հանդիսատեսի շրջանում: Այն, ինչ կատարւում է այս օրերին Երեւանում կարելի է կոչել հոգեւոր-մշակութային «պերմանենտ յեղափոխութիւն»:

Հաւանաբար կայ ինքնութեան մեծ պակաս, որը ֆիլմը փորձեց լրացնել` դիպչելով մարդկանց հոգու խորքային լարերին: Ֆիլմը դիտողները խօստովանում են, որ ասես մի շատ կարեւոր ու թանկ բան են գտել իրենց համար: Մարդիկ կինոթատրոնից դուրս են գալիս ցնցուած, սեփական ինքնութեան պատմութիւններով հարստացած: Նրանք գիտակցում են իրենց արժանապատւութիւնը եւ այն, որ փոխանցելիք ունեն իրենց երեխաներին:

Յիշեցնենք, որ ֆիլմը ցուցադրւում է օրը 3 սէանսով` ժամը 17:00-ին, 19:00-ին եւ 21:00-ին, Երեւանի «Մոսկվա» կինոթատրոնում:

Ֆիլմի մասին մանրամասն տեղեկանալու համար այցելէք www.fromararattozion.com կայքէջը:

www.vem.am