Առնո Բաբաջանեան եւ Դմիտրի Շոստակովիչ, Արշիլ Գորկի եւ Մարկ Շագալ, Գրիգոր Նարեկացի եւ Նիկոլայ Գումիլեով… մեր առջեւ բացւում է արուեստների տպաւորիչ խաչմերուկ, որտեղ երաժշտութիւնն է նախքան ամէնից (ձայներիզի գեղարուեստական ձեւաւորող Ալեքսանդր Դաւիդեան):

Արամ Խաչատրեանի անուան Դաշնամուրային տրիոն հայ ժամանակակից երաժշտական իրականութեան հնչեղ անուններից է: Արմինէ Գրիգորեան (դաշնամուր), Կարէն Շահգալդեան (ջութակ), Կարէն Քոչարեան (թաւջութակ)` երաժիշտներ, որոնց աշխատանքը բարձր արուեստի գովերգումն է: Ձայներիզն այս անսամբլի տասնամեայ  գործունէութեան ինքնատիպ հաշուետւութիւնն է: Ա. Բաբաջանանի fis-moll եւ Դ. Շոստակովիչի No 2, e-moll տրիոները ձայնագրուել են  2009 թուականին, Արամ Խաչատրեանի տուն-թանգարանի  համերգասրահում (հնչիւնային ռեժիսոր` Մադաթ Աւանեսով):

Ձայներիզին կից անգլալեզու գրքոյկում երաժշտագէտ, արուեստագիտութեան դոկտոր Սվետլանա Սարգսեանը ներկայացրել է կատարողների ու կոմպոզիտորների գործունէութիւնը եւ երկու տրիոների վերլուծական ակնարկ: Գեղարուեստական լուսանկարների հեղինակն է Վիգէն Մնոյեանը: Այս նախագծի գլխաւոր աջակիցն է Ասատուր Գուզելեանը:

 Շփում

 Մեկնաբանութիւններ (0)

Գնահատել(5)