2000թ.

Աղօթագրքի այս նոր հրատարակութիւնը տարբերւում է նախորդից թէ' բովանդակութեամբ, թէ' կառուցուածքով։ Բուն աղօթարանը կազմուած է «Ամէնօրեայ», «Դաւանական», «Ապաշխարութեան», «Բարեխօսական» եւ «Տարբեր» աղօթքների բաժիններից։ Յատկապէս առաջին բաժինը կազմուած է հիմնականում Հայոց ժամագրքում տեղ գտած աղօթքներից ու սաղմոսներից՝ նախատեսուած օրուայ տարբեր հատուածների համար՝ առաւօտուայ, միջօրէի, երեկոյի եւ հանգստեան ժամի։ Ինչպէս եւ նախորդ աղօթագրքում, այստեղ եւս, աղօթարանի տարբեր բաժիններում, տեղ են գտել հիմնականում Հայոց եւ ընդհանրական Եկեղեցիների հայրերի աղօթքները։

Գիրքն ունի յաւելուած, որում ներկայացուած են թէ' Եկեղեցու հայրերի խրատները աղօթքի եւ աղօթական արուեստի վերաբերեալ, թէ' մի շարք այլ խրատական յօդուածներ՝ նուիրուած տասը պատուիրաններին, երանիներին, Եկեղեցու խորհուրդներին, առանձնական աղօթքի կազմակերպմանը, եկեղեցում քրիստոնեայի վարուելակերպին եւ այլն։ Աղօթագիրքը եզրափակւում է Անանիա Նարեկացու երկու խրատական գրուածքով՝ «Խորհուրդների մասին» եւ «Խրատ խոնարհութեան մասին»։

Աղօթագիրքը հրատարակուել է երկու չափով. մէկը (508 էջ)՝ բաւականին փոքր՝ գրպանում տեղաւորուելու չափով, եւ հաստ կազմով, իսկ միւսը (357 էջ)՝ էջի փոքր-ինչ աւելի մեծ չափերով, բայց աւելի բարակ կազմով։

 Շփում

 Մեկնաբանութիւններ (0)

Գնահատել(24)