Ի լրումն իր տեսաձայնային գործունէութեան` «Վէմը» նաեւ հրատարակում է հայ նշանաւոր գրողների ու գիտնականների պատմական ու կրօնական աշխատութիւնները: «Վէմը» շարունակում է «Գանձասար» աստուածաբանական կենտրոնի շնորհակալ գործը` լաւագոյնս օգտուելով կենտրոնի բազմամեայ փորձից: «Վէմի» եւ «Գանձասար» աստուածաբանական կենտրոնի հրատարակութիւնների թիւն արդէն անցնում է 60-ից:

«Վէմը» թարգմանութիւններ է կատարում գրաբարից ու հրատարակում է Եկեղեցու հայրերի աստուածաբանական աշխատութիւնները, աշխարհիկ գրքեր, բուկլետներ եւ այլ նիւթեր: Ներկայացնելով նոր տեսակէտներ ու ժամանակակից բովանդակութեամբ նիւթեր հայոց պատմութեան, կրօնի, մշակոյթի, արուեստի, գրականութեան ու գիտութեան վերաբերեալ` այս բնագիր ու թարգմանուած գործերն օգնում են հայերի նոր սերունդներին վերամիաւորուելու իրենց ազգային ու հոգեւոր ժառանգութեան հետ: