Գրիգոր Նարեկացու կենսագրական մանրամասները չեն պահպանուել ոչ մատենագրութեան մէջ, ոչ էլ  ժամանակակիցների յիշատակարաններում. դրանք նրա «Մատեան ողբերգութեան» հանճարեղ երկում են եւ այն էլ` գաղտնագրուած: Փիլիսոփայ գիտնականի համարձակ այս կարծիքը տեւական պրպտումների եւ մանրակրկիտ ուսումնասիրութիւնների արդիւնք է: Նարեկացիագիտական նրա հրապարակումներից տարիներ են անցել, եւ կարելի է ենթադրել, որ այս ընթացքում յստակեցուել, պարզեցուել են բոլոր թեր եւ դէմ կարծիքները, նարեկացիասէրների ու նարեկացիագէտների, գիտական շրջանակների արձագանքները: Ինչպիսի վերաբերմունք են ցուցաբերել Միրզոյեանի աշխատութեանը նարեկացիասէրներն ու նարեկացիագէտները: Ինչպիսին է այսօր նարեկացիագիտութեան մակարդակը, եւ ընդհանրապէս այս ոլորտի ինչ նուաճումների մասին կարելի է խօսել: