Դէպի Սուրբ Երկիր քրիստոնէական ուխտագնացութեան խճանկարը ձեւաւորուել է երկու հազարամեակների ընթացքում: Աշխարհի տարբեր ծայրերից այստեղ եկող ուխտաւորները բերել են սեփական պատմութիւններն ու թողել իրենց յիշողութիւնները:

Ֆիլմի հեղինակները քննում են այդ պատմութիւնների նշանակալից էջերը եւ բացայայտում ինքնաճանաչողութեան մի շարք արժէքաւոր կողմեր:

Հայ ուխտաւորների հետքերով` նրանք անցնում են մարդկութեան պատմութեան երկու առանցքային կէտերի միջեւ ընկած ճանապարհը` Արարատի գագաթից մինչեւ Սիոն: Ֆիլմի հեղինակների համար նկարահանումները վերածուեցին անմոռանալի ուխտագնացութեան, եւ երբեմն նրանք անձամբ վերապրեցին այն դժուարութիւններն ու վտանգները, որոնց հանդիպում էին ուխտաւորները, ովքեր իրենց կոչում էին «մահտեսի»:

Կինոնկարը բացայայտում է ուխտագնացութեան ոգին, որը դարեր շարունակ պահել-պահպանել է Աւետեաց Երկրի սրբատեղիներն ու վանքերը: Անչափելի ինքազոհողութեան ու ջանքերի գնով ուխտաւորները եկել են այս սրբավայրեր` Աստուծոյ երկրային ներկայութեանը հպուելու համար:

Հանդիսատեսին հնարաւորութիւն է տրուած ուխտաւորների աչքերով դիտելու սրբատեղիները: Հազարաւոր անգամներ պատկերուած այս խորախորհուրդ վայրերը ֆիլմում բացւում են նորովի, իրենց վերերկրային էութեամբ ու մարդկային կեանքը վերափոխող զօրութեամբ:

Ֆիլմի առանցքային տեսարաններից են Սբ Յարութեան տաճարը գիշերով, Զատկական գունեղ պատկերը Երուսաղէմում, Քրիստոսի գերեզմանից հանուող լոյսի արարողութիւնը, Սինա լեռը Եգիպտոսում, Յուդայի անապատի վանքերը, Արարատի գագաթը:

Ֆիլմում նրբօրէն միահիւսուած են Էյդըն Քուիննի անզուգական ընթերցումը անգլերէն լեզուով, Լիզա Ջերարդի առինքնող երաժշտութիւնը, տպաւորիչ նկարահանումները եւ անձնական խորհրդածութիւնները:

Այցելէք ֆիլմի կայքը հետեւեալ հասցէում : www.fromararattozion.com

«Արարատից Սիոն» ֆիլմի տեսասկաւառակն՝ արդէն Amazon-ում

23 րոպէանոց այս ֆիլմը պատմութիւն է տեղական եւ միջազգային հասարակական կազմակերպութիւնների, կրթական ու գիտական կազմակերպութիւնների, առանձին անհատների համատեղ ջանքերի մասին, ովքեր, Սփիւռքի մեր հայրենակիցների հետ միասին, կարողացան կործանումից փրկել Հայաստանի հարաւում գտնուող Շիկահող բնական արգելոցը:

Ֆիլմը թողարկուել է 2005 թուականի յունիսին:

20 րոպէանոց բնապահպանական այս ֆիլմը ներկայացնում է փորձագէտների եւ բնակիչների տեսակէտները Հայաստանի մայրաքաղաք Երեւանում շրջակայ միջավայրի վատթարացման եւ կանաչ տարածքների ոչնչացման փաստերի մասին, որոնց սկիզբը դրուել է 1990-ականների էներգետիկ ճգնաժամի տարիներին:

2005 թ. դեկտեմբերին «Անապատացող քաղաք» ֆիլմն արժանացաւ ԵԱՀԿ երեւանեան գրասենեակի եւ Օրհուսի կենտրոնի` հեռուստատեսութեան եւ մամուլի համար կազմակերպուող` «Բնապահպանութիւն եւ արդիւնաբերութիւն» ամէնամեայ մրցանակաբաշխութեան առաջին մրցանակին:

Ֆիլմն արտադրուել է 2005 թուականի սեպտեմբերին:

23 րոպէ տեւողութեամբ այս կինոնկարը փաստագրական-պատմական ակնարկ է Սեւանայ լճի մասին, որը ոչ միայն Հայաստանի ազգային հարստութիւնն է, այլեւ ռազմավարական մեծ կարեւորութիւն ունի երկրի համար:

Ֆիլմը պատմում է լճին, նրա եզակի կենսաբազմազանութեանը եւ ողջ ջրաւազանին սպառնացող բնապահպանական վտանգների, հիմնախնդիրների մասին:

Ֆիլմը թողարկուել է 2005 թուականի դեկտեմբերին:

20 րոպէանոց այս ֆիլմը պատմում է ապօրինի անտառահատումների եւ Հայաստանի կանաչապատ տարածքների վերացման մասին: Հայաստանում մասսայական անտառահատումները հետեւանք էին 1992 թուականից երկրում ծայր առած եւ յետագայ մի քանի տարիներին շարունակուած էներգետիկ ճգնաժամի:

Ֆիլմում փորձագէտները ներկայացնում են իրենց առաջարկներն այն քայլերի վերաբերեալ, որոնք պէտք է արուեն ապօրինի անտառահատումները բացառելու եւ Հայաստանի անտառները վերականգնելու համար:

Թողարկուել է 2006 թուականի մարտին: