Սա նորարարական հաղորդում է, որը կոչուած է խթանելու այսօր Հայաստանի հասարակութիւնում առկայ տնտեսական հիմնարար խնդիրների քննարկումը: Հաղորդումն անդրադառնում է տնտեսական ազատութեանը, մտաւոր մոդելներին ու բարեկեցութեանը, տնտեսական անվտանգութեանը, կոռուպցիային, ազգային տնտեսական ռազմավարութեանն ու տնտեսութեան զարգացմանը` ազգային-մշակութային արժէքների համատեքստում:

Հաղորդումը նաեւ ներկայացնում է յաջողութեան հասած հայաստանեան ձեռնարկութիւնները: Հաղորդումը կենտրոնանում է հետեւեալ կարեւոր հարցերի վրայ. ի՞նչ կապ կայ մշակութային ու ազգային արժէքների եւ տնտեսական զարգացման միջեւ, ինչո՞ւ առաւելագոյնս չի օգտագործւում սփիւռքի ներուժը, որո՞նք են Հայաստանի ձեռնարկութիւնների գլխաւոր խնդիրները, հնարաւո՞ր է, արդեօք, ստեղծել կենսունակ ազգային տնտեսական համակարգ:
Հաղորդմանը մասնակցում են Հայաստանի ու Սփիւռքի առաջատար գործարարներ, գիտնականներ եւ այլ մասնագէտներ: