«Վէմը» այն ճանապարհն է, որը հնարաւորութիւն է տալիս զարգացնել ու յղկել հոգեւոր լուսաւորութեան եւ ազգային ինքնութեան մարդկային ձգտումը: Մեր համոզմամբ` առանց անհատի ներքին վերափոխման հնարաւոր չէ յաղթանակի հասնել ազգային մակարդակում: Մեր փիլիսոփայութիւնը հիմնուած է այն նախադրոյթի վրայ, որ անհատի հետ անհրաժեշտ է հաղորդակցուել այնպիսի միջոցներով, որոնք առաւել համատեղելի են նրա ներքին կեանքին` առաջնորդելով նրան անձնական ճամփորդութեան, որը կ’օգնի նրան ներգրուելու հասարակութեանը: Ներքին ու արտաքին կեանքի նման ներդաշնակութեան հասնելու համար մենք ձգտում ենք հաղորդակցուել մարդկային հոգուն ուղղուած լեզուով ու միջոցներով: Մենք փորձում ենք գտնել նոր մօտեցումներ, մշակել նոր միջոցներ ու մեթոդներ, որոնք քարոզում են բարոյականութեան, նուիրումի, հայրենասիրութեան ու աւանդականութեան յաւերժական արժէքները:

Ռադիո ծրագրեր
«Վէմն» առանձնանում է իր հաղորդումների բովանդակութեամբ: Ռադիոկայեանի կողմից դասական ու հոգեւոր երաժշտութեան խթանումը նպաստել է հանրութեան ճաշակի բարձրացմանը, իսկ երաժշտութեան ու գաղափարների իւրատեսակ զուգակցումը կոչուած է որոշակի հոգեւոր լիցք հաղորդելու հասարակութեան տարատեսակ խաւերը ներկայացնող լսարանին: «Վէմը» պատրաստում է նաեւ բարձրակարգ «ինտելեկտուալ» հաղորդումներ` հիմնուած բարոյականութեան, հայրենասիրութեան, այլասիրութեան ու նուիրումի մնայուն սկզբունքների վրայ:

«Վէմ» ռադիոկայեանի ծրագրային հայեցակարգի հիմքում համամարդկային հիմնարար արժէքներն են: Դրանում ամփոփուած սկզբունքները միանում են նորարարական ու ներդաշնակ բովանդակութեան մէջ, այն է` հոգեւորի խոր ընկալում, դասական երաժշտութիւն, մշակութային շեշտադրում եւ բարձր չափորոշիչներ: Ռադիոկայեանի հաղորդումների քաղաքականութիւնը մշտապէս փոփոխւում ու թարմացւում է` ունկնդիրների պահանջներին համահունչ: «Վէմը» ողջունում է լրագրողական հանրութեան նոր առաջարկներն ու մտայղացումները: Ռադիոկայեանն իր ուղերձը տարածելու առաւել արդիւնաւէտ եղանակների մշտական փնտրտուքի մէջ է:

«Վէմի» ծրագրերը
Կապ հաստատէք «Վէմի» ծրագրի հետ, ուղարկէք Ձեր պատմութիւնը, մտքերը կամ դիտողութիւնները

Մարդիկ «Վէմի» ամենաարժէքաւոր կապիտալն են: Հիմնուելով իր մարդկային ռեսուրսի հմտութիւնների վրայ` «Վէմը» ձգտում է բարձրակարգ ծառայութիւններ առաջարկել իր ունկնդիրներին, ընթերցողներին եւ, ընդհանրապէս, հասարակութեանը` ներառեալ այնպիսի կարիքաւոր խաւի, ինչպիսին ծնողազուրկ երեխաներն են: Իր յաջողութիւնը «Վէմը» կառուցում է նուիրեալ պրոֆեսիոնալների թիմի միասնական ուժերով: Առանձնայատուկ այս առաքելութիւնն աշխատակիցներից պահանջում է եզակի հմտութիւններ ու յատկութիւններ: Միայն պրոֆեսիոնալիզմի ու նուիրումի միաձուլմամբ կարող է ստեղծուել այն հիմքը, որն անհրաժեշտ է «Վէմի» ձեռնարկումներն իրականութիւն դարձնելու համար: «Վէմի» աշխատակիցներն ամէն օր ձեզ են հրամցնում մշակութային ու հոգեւոր հաղորդումներ, դասական ու հոգեւոր երաժշտութիւն:

«Վէմն» իր ռադիոհաղորդումները հեռարձակում է FM 101.6 յաճախականութեամբ, շաբաթը 7 օր, շուրջօրեայ, Երեւանի եւ յարակից բնակավայրերի համար` ներառեալ Էջմիածինը, Արմաւիրը, Աբովեանը, Չարենցաւանն ու Ապարանը` այդպիսով սպասարկելով Հայաստանի բնակչութեան շուրջ 70 տոկոսին: «Վէմը» վերահեռարձակւում է Արցախում ու Վանաձորում` տեղի գործըներների միջոցով, ինչպէս նաեւ աշխարհով մէկ` ինտերնետի օգնութեամբ: Մեր հաղորդումները մատչելի են նաեւ  հետեւեալ  ֆորմատներով՝

PODհաղորդում
Մոբայլ
RSS
«Վէմ» ռադիոկայեանի հաղորդումների ծրագիր