ծրագրեր 
Դիրիժորներ, կատարողներ, երգիչներ, դերասաններ, ռեժիսորներ…Նրանք մեր օրերը իմաստավորում են համերգային ու թատերական ամենատարբեր երեկոներով: Ամեն օր՝ առավոտյան ժամերին, նրանք աշխատանքային փորձեր են կատարում: Եթե հասցնում են, երեքշաբթի և ուրբաթ օրերին շտապում են մեզ մոտ՝ «Վեմ» ռադիոկայան՝ խոսելու առաջիկա համերգի, ներկայացման մասին: Այդպիսի ուղիղ եթերային զրույցը դառնում է իսկական «անակնկալ հանդիպում»:
2018 թվականին Մայր Աթոռ Սուրբ Էջմիածնի թանգարանները սկսել են իրականացնել «Արարող ձեռքեր» խորագրով ցուցահանդեսային նախագիծը: Գևորգյան հոգևոր ճեմարանի սրահում մինչև փետրվարի 21-ը ներկայացված կլինեն նկարիչ Միքայել Հարությունյանի և քանդակագործ Սարգիս Բաբայանի աշխատանքները: «Քանդակը կարծես աղոթք լինի»,- խոստովանեց մեր անակնկալ հյուրը՝ երիտասարդ քանդակագործ, Գեղարվեստի պետական ակադեմիայի դասախոս Սարգիս Բաբայանը:
