Դ-Ե գլուխներում առաքյալը հիշում է այն օրերը, որոնք ինքն անցկացրել է թեսաղոնիկեցիների հետ, և պատասխանում նրանց մի շարք հարցերի, որոնք վերաբերում են մեռելների  հարությանն ու Հիսուսի երկրորդ գալստյանը: Կարո՞ղ էր հավատացյալն արժանանալ հավիտենական կյանքին, եթե մեռներ Հիսուսի գալուստից առաջ: Քրիստոսը կրկին ե՞րբ է գալու: Պողոսի թելադրանքն այն է, որ հավատացյալներն ապրեն հանդարտ ու խաղաղ կյանք՝ հուսալից սպասելով Քրիստոսի գալստյանը: