Հաղորդումներ 
Հաղորդաշարը թեմաների լայն շրջանակ ունի: Այն քննարկում է աշխարհի քրիստոնեական ընկալման խնդիրներ, հոգևոր կյանքի օրենքները, արարման խորհուրդներն ու օրինաչափությունները, քրիստոնեական եկեղեցու ծիսակատարություններն ու ուղերձները, պատմական զարգացման ու մարդկային մտքի քրիստոնեական ըմբռնումը: Հաղորդման մասնակիցները ձգտում են պատասխաններ գտնել այսպես կոչված «հավերժական» հարցերին, որոնք առաջադրել են մարդկության մեծագույն մտածողները: Միաժամանակ փորձում են հասկանալ նրանց, ովքեր չեն տեսել քրիստոնեության լույսը կյանքի իմաստի իրենց որոնումներում:
Ինչու նա որոշեց ինքնառաջադրվել որպես հյուր մեր եթերում: Գիտությամբ էր զբաղվում, երբ փլուզվեց աստվածամերժ մի կայսրություն:Ինչ զգաց կյանքի վերաիմաստավորման առումով: Կյանքի և մահվան արանքում ինչու նրա շուրթերից ռուսերեն հնչեց աղերսն առ Աստված: Ինչպես եղավ, որ ֆոտոսեսիայի՝ անծանոթ աղջկան այդպես էլ չարված առաջարկը նրան բերեց և հաստատեց Սուրբ Հովհաննես եկեղեցում: Ինչու այդպես էլ իրեն արժանի չհամարեց Սուրբ Հաղորդություն ստանալուն և բավարարվում է միայն սուրբ մասունքը վերցնելով: Ինչպես է ի մի բերում իր ներսում Մեծ պահքը: Հարցերի պատասխանները՝ մեր մշտական ունկնդիր Ռուդիկ Սարիբեկյանի դիմանկարում:
- Հյուր՝ Ռուդիկ Սարիբեկյան
