Հաղորդումներ 
Հաղորդաշարը թեմաների լայն շրջանակ ունի: Այն քննարկում է աշխարհի քրիստոնեական ընկալման խնդիրներ, հոգևոր կյանքի օրենքները, արարման խորհուրդներն ու օրինաչափությունները, քրիստոնեական եկեղեցու ծիսակատարություններն ու ուղերձները, պատմական զարգացման ու մարդկային մտքի քրիստոնեական ըմբռնումը: Հաղորդման մասնակիցները ձգտում են պատասխաններ գտնել այսպես կոչված «հավերժական» հարցերին, որոնք առաջադրել են մարդկության մեծագույն մտածողները: Միաժամանակ փորձում են հասկանալ նրանց, ովքեր չեն տեսել քրիստոնեության լույսը կյանքի իմաստի իրենց որոնումներում:
Ինչպես է նրան հաջողվում մի կողմից լինել հասուն կին՝ կնոջ հմայքի հրետանուն տիրապետող, մյուս կողմից չմեծացող երեխա, ով մինչև իսկ հարցազրույցների ժամանակ ձեռքերը թիկունք է տանում՝ հագցնելով իրար՝ ասես մանկապարտեզի աթոռին նստած փոքրիկ: Ինչու մանկությանը բաց չի թողնում իր միջից: Իր ամենատարբեր դերերը՝ փողոցային անառակ կին, ազնվականուհի, պչրուհի, թագուհի՝ հեքիաթում, թե պատմական որևէ դարաշրջանում, նա հավաքում է դրսի՞ց, թե՞ իր միջից : Ինչից էլ որ խոսելիս լինի, սիրո մասին է: Ինչի՞ց է: Իսկ ի՞նչ է մտածում պատմության մեջ Սիրո ամենամեծ գործողությունը կատարածի մասին: Հարցերի պատասխանները՝ դերասան, ռեժիսոր Նարինե Գրիգորյանի դիմանկարում:
- Հյուր՝ Նարինե Գրիգորյան
